საქართველოს პარლამენტის საბიუჯეტო ოფისის ხელმძღვანელი ანდრია გვიდიანი ნიდერლანდების სამეფოს პარლამენტის წარმომადგენელთა პალატის საგარეო საქმეთა კომიტეტის დელეგაციას შეხვდა.

საუბარი, ძირითადად, შეეხო საქართველოს პარლამენტის და ნიდერლანდების სამეფოს ფინანსთა სამინისტროს დაძმობილების პროგრამის შედეგებს, რომელიც პარლამენტის საბიუჯეტო ოფისში ჰოლანდიის მხარის მხარდაჭერით განხორციელდა.

პარლამენტის საბიუჯეტო ოფისის ხელმძღვანელი ანდრია გვიდიანი და ოფისის თანამშრომლები საქართველოში ვიზიტად მყოფი ტაჯიკეთის სამთავრობო დელეგაციის წევრებს შეხვდნენ.

შეხვედრაზე საუბარი ძირითადად დაეთმო საქართველოს ფინანსურ სისტემას და ამ სფეროში მიმდინარე რეფორმებს, პარლამენტის საბიუჯეტო ოფისის საქმიანობას და როლს ბიუჯეტის ფორმირების პროცესში, ბიუჯეტის სახსრების გამჭვირვალობის საკითხს და სხვა.

საქართველოს პარლამენტის და ნიდერლანდების სამეფოს ფინანსთა სამინისტროს დაძმობილების პროგრამის ფარგლებში, დამოუკიდებელი ფისკალური ინსტიტუტების შესაძლებლობების გაძლიერების შესახებ კონფერენცია გაიმართა.

„საქართველოს 2024 წლის სახელმწიფო ბიუჯეტის შესახებ“ საქართველოს კანონის პროექტის საბოლოო ვარიანტთან (III წარდგენა) დაკავშირებით, საქართველოს პარლამენტის საბიუჯეტო ოფისმა მიმოხილვის დოკუმენტი მოამზადა.

დოკუმენტი მოიცავს „საქართველოს 2024 წლის სახელმწიფო ბიუჯეტის შესახებ“ კანონის პროექტის მიმოხილვას (III წარდგენა), მაკროეკონომიკურ პროგნოზებს, ფისკალური წესების შეფასების ანგარიშს და შესაბამის ინტერაქტიულ ინფოგრაფიკებს.

საქართველოს პარლამენტის საბიუჯეტო ოფისის ინიციატივით და პარლამენტის აპარატის ეკონომიკური გუნდის ანალიტიკური შესაძლებლობების გაძლიერების მიზნით, ხარჯ-სარგებლიანობის (CBA-Cost Benefit Analysis) მეთოდის შემსწავლელი სასწავლო კურსი დაიწყო.

პარლამენტში ევროკავშირის მიერ დაფინანსებული საჯარო სამსახურების დაძმობილების პროექტის „საჯარო ფინანსებზე საპარლამენტო ზედამხედველობის გაძლიერება“ და ეკონომიკური თანამშრომლობისა და განვითარების ორგანიზაციის (OECD) ერთობლივი ორგანიზებით, დაძმობილების პროექტის შუალედური ღონისძიება გაიმართა.

მიმდინარე წლის 26-27 ივნისს ევროკავშირის მხარდაჭერით საქართველოს პარლამენტისა და ნიდერლანდების სამეფოს ფინანსთა სამინისტროს ეკონომიკისა და ფინანსების ეროვნული აკადემიის ორწლიანი დაძმობილების პროექტის „საჯარო ფინანსებზე ზედამხედველობის გაძლიერება“ ფარგლებში, საქართველოს პარლამენტის საბიუჯეტო ოფისს ავსტრიის ფინანსთა სამინისტროს კლიმატის გუნდის ხელმძღვანელი, ხოსე დელგადო და ამავე სამინისტროს ბიუჯეტის სტრატეგიის, ხარჯების მიმოხილვებისა და საერთაშორისო ურთიერთობების განყოფილების თანამშრომელი მაგდალენა მანდლ ეწვივნენ.

მიმდინარე წლის 19-21 ივნისს ევროკავშირის მხარდაჭერით საქართველოს პარლამენტისა და ნიდერლანდების სამეფოს ფინანსთა სამინისტროს ეკონომიკისა და ფინანსების ეროვნული აკადემიის ორწლიანი დაძმობილების პროექტის „საჯარო ფინანსებზე ზედამხედველობის გაძლიერება“ ფარგლებში, საქართველოს პარლამენტს ავსტრიის პარლამენტის საბიუჯეტო ოფისის ხელმძღვანელი, ჰელმუტ ბერგერი ეწვია.  

მიმდინარე წლის 19-22 ივნისს, ავსტრიის ქალაქ ვენაში, „ევროკავშირი გენდერული თანასწორობისთვის: რეფორმების ტექნიკური ჯგუფის“ (EU4Gender Equality Reform Helpdesk) პროექტის ორგანიზებით საქართველოს და ასევე სხვადასხვა ქვეყნის წარმომადგენლებისათვის სამუშაო ვიზიტის ფარგლებში გაიმართა სამუშაო შეხვედრები გენდერული ბიუჯეტირების თემატიკაზე. მონაწილეებს საშუალება ქონდათ შეხვედროდნენ ავსტრიის საბიუჯეტო ოფისის, ფინანსთა სამინისტროს, ქალაქ ვენის მერიის და სხვა იმ უწყებების წარმომადგენლებს, რომლებიც ახორციელებენ გენდერულ ბიუჯეტირებას და უშუალოდ მათგან მოესმინათ გენდერული ბიუჯეტირების იმპლიმენტაციის როგორც თეორიული, ასევე პრაქტიკული საკითხები.

ევროკავშირის პროექტის - „საჯარო მმართველობის რეფორმის მხარდაჭერა საქართველოში“  ორგანიზებით და პარლამენტის საბიუჯეტო ოფისის ჩართულობით მიმდინარე წლის 9-11 ივნისს, კახეთში, დაინტერესებული მხარეებისათვის ჩატარდა გასვლითი ტრენინგი კანონპროექტის