Parliamentary Budget Office

  • Georgian (GE)
  • English (UK)
  • მთავარი
  • ჩვენ შესახებ
    • ჩვენი როლი და მანდატი
    • საერთაშორისო მარეგულირებელი ჩარჩო
    • ორგანიზაციული სტრუქტურა და ადამიანური რესურსები
    • პარტნიორი ორგანიზაციები
    • არქივი
  • ბიუჯეტის ანალიზი
    • ანგარიშგების პოლიტიკა
    • ბიუჯეტის კალენდარი
    • სახელმწიფო ბიუჯეტის კანონპროექტის მიმოხილვა
    • სახელმწიფო ბიუჯეტის შესრულების მიმოხილვა
    • ავტონომიური რესპუბლიკების რესპუბლიკური ბიუჯეტებისა და ადგილობრივი თვითმმართველი ერთეულების ბიუჯეტების მიმოხილვა
    • ინტერაქტიული ინფოგრაფიკები ბიუჯეტის შესახებ
  • მაკროგარემოს ანალიზი
    • ანგარიშგების პოლიტიკა
    • მაკროეკონომიკური პროგნოზები
    • მაკროეკონომიკური გარემოს მიმოხილვა
    • მაკროეკონომიკური ინდიკატორები გრაფიკულად
    • ინტერაქტიული მაკროეკონომიკური სტატისტიკა
  • ფინანსური გავლენის შეფასება
    • პარლამენტის საბიუჯეტო ოფისის როლი და მიდგომა
    • რეგულირების გავლენის შეფასება
  • კვლევები
    • კვლევითი საქმიანობის დაგეგმვა
    • კვლევითი პუბლიკაციები
    • თემატური პუბლიკაციები
    • ფისკალური შეფასების ანგარიშები
    • მეთოდოლოგიური განმარტებები
    • თვითშეფასების ანგარიში
    • ინტერაქტიული სტატისტიკა
  • პარლამენტის საბიუჯეტო ოფისის როლი და მიდგომა
  • რეგულირების გავლენის შეფასება

პარლამენტის საბიუჯეტო ოფისის როლი და მიდგომა

  • დაბეჭდვა
  • ელ-ფოსტა

 

პარლამენტის საბიუჯეტო ოფისის მიერ საკანონმდებლო ინიციატივების ფინანსური გავლენის შეფასების ფუნქცია განსაზღვრულია საქართველოს პარლამენტის რეგლამენტით და ეფუძნება "ნორმატიული აქტების შესახებ" საქართველოს ორგანული კანონით განსაზღვრულ მოთხოვნებს. შესაბამისად, აღნიშნული ფუნქცია პირდაპირ კავშირშია საკანონმდებლო პროცესთან.

 

 „ნორმატიული აქტების შესახებ" საქართველოს ორგანული კანონის მე-17 მუხლის პირველი პუნქტის „ბ" ქვეპუნქტის შესაბამისად, კანონპროექტის განმარტებით ბარათში, სხვა კომპონენტებთან ერთად, აისახება კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი), რომელშიც აღინიშნება:

ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო;
ბ.ბ) კანონპროექტის გავლენა სახელმწიფო ან/და მუნიციპალიტეტის ბიუჯეტის საშემოსავლო ნაწილზე;
ბ.გ) კანონპროექტის გავლენა სახელმწიფო ან/და მუნიციპალიტეტის ბიუჯეტის ხარჯვით ნაწილზე;
ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით;
ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა;
ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი.

„ნორმატიული აქტების შესახებ" საქართველოს ორგანული კანონის ზემოაღნიშნული პუნქტების მოთხოვნებთან კანონპროექტის შესაბამისობის შემოწმებას საქართველოს პარლამენტის რეგლამენტის 102-ე მუხლის მე-5 პუნქტის შესაბამისად ახორციელებს პარლამენტის საბიუჯეტო ოფისი. აღნიშნულის საფუძველზე პარლამენტის საბიუჯეტო ოფისი ამზადებს დასკვნას და წარუდგენს პარლამენტის ბიუროს.

იმ შემთხვევაში, თუ კანონპროექტი არ შეესაბამება „ნორმატიული აქტების შესახებ" საქართველოს ორგანული კანონის ზემოაღნიშნულ მოთხოვნებს, პარლამენტის ბიურო უფლებამოსილია პარლამენტის საბიუჯეტო ოფისის მოტივირებული დასკვნის საფუძველზე კანონპროექტი ხარვეზის გამოსასწორებლად დაუბრუნოს მის ინიციატორს.

ამასთან, რეგლამენტის მიხედვით, პარლამენტის საბიუჯეტო ოფისი უფლებამოსილია კანონპროექტის განხილვის პროცედურის დაწყებიდან პირველ მოსმენამდე წარადგინოს დამატებითი ინფორმაცია „ნორმატიული აქტების შესახებ" საქართველოს ორგანული კანონის მე-17 მუხლის პირველი პუნქტის „ბ" ქვეპუნქტით გათვალისწინებულ საკითხებზე.

საკანონმდებლო ინიციატივების ფინანსური გავლენის შეფასების მექანიზმისა და პარლამენტის საბიუჯეტო ოფისის კანონმდებლობით განსაზღვრული საქმიანობის სრულყოფის მიზნით, პარლამენტის საბიუჯეტო ოფისის მიერ შემუშავებულ იქნა შემდეგი მეთოდოლოგიური დოკუმენტები:

  • კანონპროექტის ავტორის/ინიციატორის მიერ წარდგენილი კანონპროექტის ფინანსური გავლენის შეფასების მომზადების ხელშეწყობის მიზნით, პარლამენტის საბიუჯეტო ოფისმა შეიმუშავა სარეკომენდაციო სახის დოკუმენტი, რომელიც განსაზღვრავს კანონპროექტის განმარტებითი ბარათის ფინანსური გავლენის შეფასების მომზადების სახელმძღვანელო პრინციპებსა და მეთოდოლოგიურ მითითებებს. დოკუმენტი ეხმარება კანონპროექტის ავტორს/ინიციატორს, რათა მათ მიერ წარმოდგენილი ინფორმაცია ასახავდეს კანონპროექტის მოსალოდნელი ფინანსური გავლენის შესახებ სათანადო სურათს.
  • პარლამენტის საბიუჯეტო ოფისის მიერ ასევე შემუშავებულ იქნა ოფისის მიერ ფინანსური გავლენის შეფასების შემოწმების სახელმძღვანელო პრინციპებისა და მეთოდოლოგიური მითითებების დოკუმენტი, რომლის მიზანია ოფისის მიერ ფინანსური გავლენის შეფასების შემოწმებისა და დასკვნის მომზადებისათვის შესაბამისი სტანდარტებისა და მითითებების დადგენა.

 

კანონპროექტის განმარტებითი ბარათის ფინანსური გავლენის შეფასების მომზადების სახელმძღვანელო პრინციპები და მეთოდოლოგიური მითითებები

 

კანონპროექტის განმარტებითი ბარათის ფინანსური გავლენის შეფასების მომზადების სახელმძღვანელო პრინციპები და მეთოდოლოგიური მითითებების ვიდეო ინსტრუქცია

 

კანონპროექტის განმარტებითი ბარათის ფინანსური გავლენის შეფასების შემოწმების მეთოდოლოგიური მითითებები

 

 

 

 

სიახლეები

ანდრია გვიდიანი ნიდერლანდების სამეფოს პარლამენტის წარმომადგენელთა პალატის საგარეო საქმეთა კომიტეტის დელეგაციას შეხვდა

ანდრია გვიდიანი ნიდერლანდების სამეფოს პა…

15-07-2024

საქართველოს პარლამენტის საბიუჯეტო ოფისის ხელმძღვანელი ანდრია გვიდიანი ნიდერლანდების სამეფოს პარლამენტის წარმომადგენელთა პალატის საგარეო საქმეთა კომიტეტის დელეგაციას შეხვდა. საუბარი, ძირითადად, შეეხო საქართველოს პარლამენტის და ნიდერლანდების სამეფოს ფინანსთა სამინისტროს დაძმობილების პროგრამის შედეგებს, რომელიც...

პარლამენტის საბიუჯეტო ოფისის ხელმძღვანელი ანდრია გვიდიანი ტაჯიკეთის სამთავრობო დელეგაციას შეხვდა

პარლამენტის საბიუჯეტო ოფისის ხელმძღვანელ…

11-07-2024

პარლამენტის საბიუჯეტო ოფისის ხელმძღვანელი ანდრია გვიდიანი და ოფისის თანამშრომლები საქართველოში ვიზიტად მყოფი ტაჯიკეთის სამთავრობო დელეგაციის წევრებს შეხვდნენ. შეხვედრაზე საუბარი ძირითადად დაეთმო საქართველოს ფინანსურ სისტემას და ამ სფეროში მიმდინარე რეფორმებს, პარლამენტის საბიუჯეტო...

პარლამენტის საბიუჯეტო ოფისი ევროპის დამოუკიდებელი ფისკალური ინსტიტუტების ქსელის დამკვირვებელი წევრი გახდება

პარლამენტის საბიუჯეტო ოფისი ევროპის დამო…

14-02-2024

საქართველოს პარლამენტის და ნიდერლანდების სამეფოს ფინანსთა სამინისტროს დაძმობილების პროგრამის ფარგლებში, დამოუკიდებელი ფისკალური ინსტიტუტების შესაძლებლობების გაძლიერების შესახებ კონფერენცია გაიმართა.

 

 

ჩვენ შესახებ

ჩვენი როლი და მანდატი

ორგანიზაციული სტრუქტურა და ადამიანური რესურსები

პარტნიორი ორგანიზაციები

ანგარიშები/კვლევები

ბიუჯეტის ანალიზის მიმართულება

მაკროეკონომიკური გარემოს მიმოხილვა

კვლევები

კონტაქტი

რუსთაველის გამზ.8, კორპუსი C - 648.

საქართველო, თბილისი 0118.

ტელ/ფაქსი: 2 28-13-53

ელ-ფოსტა: This email address is being protected from spambots. You need JavaScript enabled to view it.

  • Home
  • Contact