მიმდინარე წლის 19-21 ივნისს ევროკავშირის მხარდაჭერით საქართველოს პარლამენტისა და ნიდერლანდების სამეფოს ფინანსთა სამინისტროს ეკონომიკისა და ფინანსების ეროვნული აკადემიის ორწლიანი დაძმობილების პროექტის „საჯარო ფინანსებზე ზედამხედველობის გაძლიერება“ ფარგლებში, საქართველოს პარლამენტს ავსტრიის პარლამენტის საბიუჯეტო ოფისის ხელმძღვანელი, ჰელმუტ ბერგერი ეწვია.
ავსტრიელმა ექსპერტმა ჩაატარა ტრენინგი გენდერული ბიუჯეტირების თემატიკაზე, რომელსაც ესწრებოდნენ საქართველოს პარლამენტის საბიუჯეტო ოფისის თანამშრომლები, გენდერული თანასწორობის მუდმივმოქმედი საპარლამენტო საბჭოსა და პარლამენტის აპარატის წარმომადგენლები.
სამდღიანი ტრენინგის ფარგლებში ექსპერტმა ქართველ კოლეგებს გაუზიარა ავსტრიისა და ასევე კონკრეტულად ავსტრიის საბიუჯეტო ოფისის გამოცდილება გენდერული ბიუჯეტირების კუთხით. აღსანიშნავია, რომ ავსტრია, სადაც გენდერული ბიუჯეტირების ვალდებულება ქვეყნის კონსტიტუციით არის გათვალისწინებული, ერთ-ერთი მოწინავე ქვეყანაა ამ მიმართულებით.
გალერეა
http://pbo.parliament.ge/ge/aboutus/archive/item/969-2023-06-28-07-57-59#sigProGalleriadf3d352265
