დოკუმენტი მომზადდა საქართველოს პარლამენტის გენდერული თანასწორობის საბჭოს 2018-2020 წლების სამოქმედო გეგმის შესაბამისად და მიზნად ისახავს საქართველოს პარლამენტის მიერ გენდერულ სფეროში სახელმწიფო პოლიტიკის ძირითადი მიმართულებების განსაზღვრისა და ახალი კონცეფციის მიღების მხარდაჭერას.

ქვეყნის საგარეო მოწყვლადობის შესაფასებლად ერთ-ერთი ყველაზე ფართოდ მიღებული ინდიკატორია მიმდინარე ანგარიშის ბალანსი (Current Account Balance, CAB). მიმდინარე ანგარიშის ბალანსის, როგორც საგარეო სექტორის ერთი-ერთი ინდიკატორის მნიშვნელობა, მის შინაარს უკავშირდება. მიმდინარე ანგარიში წარმოადგენს საქართველოს რეზიდენტების მიერ მიმდინარე ოპერაციებს დანარჩენი მსოფლიოს მიმართ და მოიცავს საქონლისა და მომსახურების ბალანსს, პირველად და მეორად შემოსავლებს.

ფისკალური გარემოს ანალიზისას პირველი საკითხი ფისკალური პოლიტიკის მიმართულების - ექსპანსიური თუ შემზღუდველი - შეფასებაა. ექსპანსიური (მასტიმულირებელი) ფისკალური პოლიტიკა გულისხმობსგადასახადების შემცირების ან ხარჯვითი ნაწილის ზრდის მეშვეობით ბიუჯეტის დეფიციტის ზრდას, რაც, თავის მხრივ, მიზნად ისახავს ეკონომიკური აქტივობის შენელებისას ეკონომიკის სტიმულირებას. საპირისპირომიმართულებისაა შემზღუდველი ფისკალური პოლიტიკა.

გენდერული ბიუჯეტირება გულისხმობს გენდერული თანასწორობის ასპექტების ჩართვას ქვეყნის საბიუჯეტო პროცესში და საბიუჯეტო რესურსების ისეთ გადანაწილებას, რომელიც ხელს შეუწყობს გენდერული პერსპექტივის ინტეგრირებას ყველა სფეროსა თუ სექტორში. აღსანიშნავია, რომ გენდერული ბიუჯეტირება არ გულისხმობს ქალთა და მამაკაცთათვის განსხვავებული ბიუჯეტის შედგენას ან ბენეფიციართა დაყოფას გენდერულ ჭრილში, არამედ იგი წარმოადგენს გენდერზე ორიენტირებული საბიუჯეტო პროცესის ფორმირებას, რაც გულისხმობს საბიუჯეტო სახსრების გადანაწილების შესაბამისობას გენდერული თანასწორობის მიმართულებით განსაზღვრულ პოლიტიკასთან. მისი კომპლექსურობიდან გამომდინარე გენდერული ბიუჯეტირების უნივერსალური მიდგომა 

საქართველოს პარლამენტის საბიუჯეტო ოფისის მოცემული პუბლიკაცია მიზნად ისახავს ქვეყანაში დამატებული ღირებულების გადასახადის (დღგ) პოტენციური დონისა და გაპის (სხვაობა პოტენციურ და ფაქტობრივ შემოსავლებს შორის) შეფასებას.
საგადასახადო გაპი, მარტივი განმარტებით, წარმოადგენს სხვაობას თეორიულად მიღწევად მაქსიმალურ და ფაქტობრივ საგადასახადო შემოსავლებს შორის. ვინაიდან იდეალურად ეფექტიანი საგადასახადო სისტემის პრაქტიკაში არსებობა შეუძლებელია, საგადასახადო გაპის არსებობა გარდაუვალია. მიუხედავად ამისა, საგადასახადო შემოსავლების მნიშვნელობიდან გამომდინარე, საგადასახადო გაპის მინიმიზაცია სახელმწიფოს წინაშე მდგარი ერთ-ერთი მნიშვნელოვანი ამოცანაა. 

რეალური ეფექტური გაცვლითი კურსი (შემდგომში გაცვლითი კურსი) მნიშვნელოვან გავლენას ახდენს ეკონომიკური აგენტების ქცევებზე. შესაბამისად, მის დინამიკაზე მოქმედი ძირითადი ფაქტორების ანალიზს და გავლენის შეფასებას ეფექტიანი მაკროეკონომიკური პოლიტიკისათვის განსაკუთრებული მნიშვნელობა აქვს. ქვემოთ წარმოდგენილი პუბლიკაცია მიზნად ისახავს, საქართველოსათვის შეაფასოს პოლიტიკის ერთ-ერთი მნიშვნელოვანი ინსტრუმენტის - სახელმწიფო დანახარჯების ცვლილების გავლენა ლარის გაცვლით კურსზე.

კვლევითი პუბლიკაცია თემაზე, საგადასახადო შემოსავლების ანალიზი" წარმოადგენს ცალკეული გადასახადების სენსიტიურობის ანალიზს (გადასახადების „ბუიონსი" & გადასახადების ელასტიკურობები), რადგან საგადასახადო შემოსავლები ბიუჯეტის მთლიანი შემოსავლების მნიშვნელოვანი წყაროა და თითოეული გადასახადის ანალიზი მნიშვნელოვანია საბიუჯეტო პროცესების მართვის გაუმჯობესების კუთხით.

კვლევითი პუბლიკაცია თემაზე, „ექსპორტის და იმპორტის ძირითადი განმსაზღვრელი ფაქტორები" წარმოადგენს ექსპორტზე და იმპორტზე მოქმედი ძირითადი ინდიკატორების გავლენის შეფასებებს, რათა შემდგომ სწორად განისაზღვროს პოლიტიკათა ნაზავი ნებისმიერი შიდა და გარე შოკების შედეგად არაპირდაპირი, გვერდითი ეფექტების გასანეიტრალებლად.

მოგების გადასახადის რეფორმის ესტონური მოდელი გულისხმობს რეინვესტირებული მოგების გადასახადისაგან გათავისუფლებას და მისი ძირითადი მიზანია საგადასახადო ტვირთის შემსუბუქება და ეკონომიკის სტიმულირება. აღნიშნული რეფორმა საშუალოვადიან პერიოდში გამოიწვევს საგადასახადო შემოსავლების შემცირებას, რაც მრავალ ფაქტორზეა დამოკიდებული.

„ეკონომიკური თავისუფლების შესახებ" ორგანული კანონი პარლამენტის მიერ დამტკიცებულ იქნა 2011 წლის ივლისში და ძალაში შევიდა 2013 წლის 31 დეკემბერს . ამ კანონითა და საქართველოს კონსტიტუციით საქართველოს მოქალაქენი ადგენენ დღევანდელი და მომავალი თაობების ეკონომიკური უფლებებისა და თავისუფლებების გარანტიებს. ეკონომიკური უფლებები და თავისუფლებები კი არის ადამიანის უფლებებისა და თავისუფლებების ნაწილი, რომელთა შეზღუდვა შესაძლებელია მხოლოდ საქართველოს კონსტიტუციით და კანონით დადგენილი წესით დადგენილ ფარგლებში.