გენდერული გავლენის შეფასების (GIA) წინამდებარე სახელმძღვანელო დოკუმენტი წარმოადგენს ძირითად სახელმძღვანელო მითითებებს გენდერული გავლენის შეფასებაში და უმეტესწილად ეყრდნობა ევროპის გენდერული თანასწორობის ინსტიტუტის (EIGE) 2016 წლის სახელმძღვანელოს და ამავე ინსტიტუტის სხვა შეფასებებსა და კვლევებს.
დოკუმენტის პირველი ნაწილი წარმოადგენს გენდერული მეინსტრიმინგის ცნებას და გენდერული გავლენის ადგილს რეგულირების გავლენის შეფასებაში.
მეორე ნაწილში დახასიათებულია გენდერული გავლენის შეფასების ძირითადი კრიტერიუმები: მონაწილეობა, რესურსები, ნორმები და ფასეულობები, უფლებები. ეს ნაწილი ასევე მიმოიხილავს GIA-ს ხუთ ეტაპს: პოლიტიკის მიზნის განსაზღვრა, გენდერული მნიშვნელოვნების შემოწმება, გენდერულად მგრძნობიარე ანალიზი, გენდერული გავლენის გაზომვა და დასკვნები და რეკომენდაციები. მეორე ნაწილი სრულდება GIA-ს ინსტიტუციონალიზაციის პროცესში მნიშვნელოვანი გასათვალისწინებელი საკითხების მიმოხილვით.
დოკუმენტის ძირითადი ნაწილი ეთმობა მესამე ნაწილს, რომელიც აანალიზებს გენდერულ მნიშვნელოვნებას პოლიტიკის სხვადასხვა სფეროებში: ფინანსები, ეკონომიკა, განათლება, სოფლის მეურნეობა, გარემოს დაცვა, ჯანდაცვა და სოციალური საკითხები, სპორტი და ახალგაზრდობა, რეგიონული განვითარება, უსაფრთხოება და სამართალი.
დოკუმენტის მეოთხე ნაწილი წარმოადგენს რიგი საერთაშორისო ორგანიზაციების მიერ შემუშავებულ ინდექსებს, რომლებიც გამოიყენება ქვეყნებში გენდერული თანასწორობის მდგომარეობის შესაფასებლად სხვადასხვა განზომილების მიხედვით.