ბიუჯეტის დეფიციტის მაჩვენებელი გამოიყენება მთავრობის მიერ განხორციელებული ფისკალური ღონისძიებების ძირითადი მიმართულებებისა და ეკონომიკურ გარემოზე გავლენის შესაფასებლად. შესაბამისად, სახელმწიფო ფინანსების არსებული სტატისტიკის საფუძველზე აღნიშნული მაჩვენებლის გაანგარიშებას განსაკუთრებული მნიშვნელობა ენიჭება.ბიუჯეტის დეფიციტის მაჩვენებელი გამოიყენება მთავრობის მიერ განხორციელებული ფისკალური ღონისძიებების ძირითადი მიმართულებებისა და ეკონომიკურ გარემოზე გავლენის შესაფასებლად. შესაბამისად, სახელმწიფო ფინანსების არსებული სტატისტიკის საფუძველზე აღნიშნული მაჩვენებლის გაანგარიშებას განსაკუთრებული მნიშვნელობა ენიჭება.

საერთაშორისო სავალუტო ფონდის სახელმწიფოს ფინანსების სტატისტიკის (GFS) სისტემა წარმოადგენს რაოდენობრივ ინსტრუმენტს, რომლის საფუძველზეც ხორციელდება სახელმწიფოს ფინანსური ოპერაციების კლასიფიცირება და აღრიცხვა და რომელიც საფუძვლად უდევს სახელმწიფო ფინანსების სტატისტიკის წარმოებას მრავალ ქვეყანაში. ამ მონაცემებზე დაყრდნობით შესაძლებელი ხდება სახელმწიფო ფისკალური პოლიტიკის შედეგების იდენტიფიცირება, გაზომვა, მონიტორინგი და წარმოდგენილი მაჩვენებლების ანალიზის საფუძველზე ფისკალური მდგრადობის შეფასება. აღნიშნული სისტემა ეტაპობრივ დახვეწას განიცდის, კერძოდ, ამ ეტაპისათვის არსებობს 1986 წლისა და 2001 წლის სახელმძღვანელოები. ამასთან, საჯარო დისკუსიისათვის უკვე გასაჯაროებულია ამავე სისტემის 2014 წლის სახელმძღვანელოს საბოლოო სამუშაო ვერსია, რომელიც მიზნად ისახავს წინა ვერსიების უზუსტობების აღმოფხვრასა და GFS სისტემის ეროვნულ მონაცემთა სხვა სისტემებთან დაახლოებას. სტატისტიკის წარმოების მეთოდოლოგიის დახვეწა, თავის მხრივ, განაპირობებს, ბიუჯეტის ბალანსის გაანგარიშებაში კორექტივებსაც.