• რეალურ სექტორთან დაკავშირებით, 2015 წლის II კვარტალში რეალური მთლიანი შიდა პროდუქტი (მშპ) 2.1%-ით გაიზარდა 2014 წლის II კვარტალთან შედარებით. აღნიშნულ პერიოდში წლიურმა ინფლაციამ 4.5% შეადგინა, რაც დაუახლოვდა ეროვნული ბანკის მიერ გამოცხადებულ მიზნობრივ მაჩვენებელს (5%-ს).
• ფისკალური სექტორთან მიმართებაში, 2015 წლის II კვარტალში, ნაერთი ბიუჯეტის შემოსავლები 12.4%-ით გაიზარდა 2014 წლის II კვარტალთან შედარებით და მშპ-ის 27.8% შეადგინა, ხოლო ხარჯები და არაფინანსური აქტივების შეძენა 8.5%-ით გაიზარდა და 2,285 მლნ ლარი შეადგინა (მშპ-ის 29.7%). რაც შეეხება ბალანსის მაჩვენებლებს, 2015 წლის II კვარტალში ნაერთი ბიუჯეტის საოპერაციო სალდო 151.1 მლნ ლარი, ხოლო ბიუჯეტის მთლიანმა სალდომ -60.0 მლნ ლარი შეადგინა. ამასთან, 2015 წლის II კვარტალის მდგომარეობით, სახელმწიფო ვალი 27.9%-ით გაიზარდა გასული წლის ამავე პერიოდთან შედარებით. კერძოდ, სახელმწიფო საშინაო გაიზარდა 21.1%-ით, ხოლო სახელმწიფო საგარეო ვალი 30.2%-ით, რაც ძირითადად ვალუტის კურსის ცვლილებას უკავშირდება.
• საგარეო სექტორის დინამიკასთან დაკავშირებით, 2015 წლის II კვარტალში საქონლით საგარეო სავაჭრო ბრუნვა 16%-ით ნაკლებია გასული წლის ანალოგიურ პერიოდის მაჩვენებელზე. კერძოდ, ერთდროულად შემცირების ტენდენციას ავლენს ექსპორტი და იმპორტი, შესაბამისად 20% და 14%-ით. ასევე შემცირების ტენდენციას ავლენს მთლიანი საერთაშორისო რეზერვების მოცულობა, კერძოდ, 2015 წლის II კვარტალის მდგომარეობით, მთლიანი საერთაშორისო რეზერვები 0.6% შემცირდა 2014 წლის ანალოგიურ პერიოდთან შედარებით და 2,484 მლნ აშშ დოლარი შეადგინა. 2015 წლის II კვარტალში ლარის კურსი აშშ დოლარის მიმართ, 2015 წლის I კვარტალთან შედარებით, 9.1%-ით, ხოლო 2014 წლის II კვარტალთან 22.8%-ით გაუფასურდა.
• მონეტარული სექტორთან მიმართებაში მაჩვენებლებიდან, 2015 წლის II კვარტალში საბაზრო საპროცენტო განაკვეთი სესხებზე 0.4%-ული პუნქტით გაიზარდა და 15.6%-ს გაუტოლდა. 2014 წლის II კვარტალთან შედარებით კომერციული ბანკების მიერ გაცემული სესხები 30%-ით გაიზარდა. შინამეურნეობების წილი გაცემული სესხების თითქმის ნახევარს შეადგენს. 2015 წლის II კვარტალის ბოლოს, დოლარში გამოსახულმა ანაბრებმა მთლიანი ანაბრების 62.5% შეადგინა.
• სოციალური და შრომის ბაზრის ინდიკატორებიდან, 2014 წელს წინა წელთან შედარებით, უმუშევრობის დონე 2.2%-ული პუნქტით შემცირდა და 12.4% შეადგინა. 2015 წლის II კვარტალში განათლებასა და ჯანდაცვაზე გაწეული ხარჯები შესაბამისად 26% და 48%-ით გაიზარდა გასული წლის იმავე კვარტალთან შედარებით. თუმცა, ფარდობითი საბიუჯეტო დანახარჯები ჯანდაცვაზე (მშპ-ის 2.2%) და განათლებაზე (მშპ-ის 2.5%) დაბალია, ვიდრე OECD-ის ქვეყნებში, სადაც აღნიშნული მაჩვენებლები მშპ-ის 9.3%-სა და 5.3%-ის უტოლდება.