„ოპერატიული ინფორმაცია 2023 წლის სახელმწიფო ბიუჯეტის შესრულების შესახებ (იანვარი)“ - მომზადებულია საქართველოს ფინანსთა სამინისტროს სახაზინო სამსახურის მიერ პარლამენტის საბიუჯეტო ოფისისათვის მიწოდებული ოპერატიული ინფორმაციის საფუძველზე.

2023 წლის იანვარში სახელმწიფო ბიუჯეტის შემოსულობების შესრულება 1,592.2 მლნ ლარს, წლიური გეგმის (21,914.2 მლნ ლარი) 7.3%-ს და 3 თვის გეგმის (4,733.3 მლნ ლარი) 33.6%-ს შეადგენს, წინა წლის ანალოგიურ მაჩვენებელზე კი 116.2 მლნ (6.8%-ით) ლარით ნაკლებია (ვალდებულებების ზრდის მუხლით შემოსულობების მნიშვნელოვანი შემცირების გავლენით).

გადასახდელების შესრულება 1,497.3 მლნ ლარს, წლიური გეგმის (21,880.1 მლნ ლარი) 6.8%-ს და 3 თვის გეგმის (4,835.7 მლნ ლარი) 31.0%-ს აღწევს, ხოლო წინა წლის იანვრის მაჩვენებელს 145.6 მლნ ლარით (10.8%-ით) აჭარბებს.

შესაბამისად, იანვარში სახელმწიფო ბიუჯეტში მიღებული შემოსულობების და გადასახდელების შესრულების გათვალისწინებით, ნაშთის ცვლილება (დაგროვება) 94.9 მლნ ლარი შეადგენს. წლის დასაწყისისათვის დაზუსტებული ნაშთის მოცულობამ შეადგინა 1,247.6 მლნ ლარი, ხოლო 2023 წლის პირველი თებერვლისთვის კი ნაშთი განისაზღვრა 1,342.5 მლნ ლარის ოდენობით.

რაც შეეხება სახელმწიფო ბიუჯეტის საოპერაციო სალდოსა და მთლიან სალდოს, 2023 წლის იანვარში სახელმწიფო ბიუჯეტის საოპერაციო სალდომ შეადგინა 395.7 მლნ ლარი, ხოლო მთლიანმა სალდომ - 249.5 მლნ ლარი.

დეტალურად იხილეთ სრული დოკუმენტი.