პარლამენტის საბიუჯეტო ოფისის ,,საქართველოს მაკროეკონომიკური გარემოს ყოველთვიური მიმოხილვა" ასახავს ძირითადი მაკროეკონომიკური მაჩვენებლების ტენდენციებს. მიმოხილვა ეყრდნობა საქართველოს სტატისტიკის ეროვნული სამსახურის, საქართველოს ეროვნული ბანკის და საქართველოს ფინანსთა სამინისტროს მონაცემებს.

• სტატისტიკის ეროვნული სამსახურის წინასწარი შეფასებით, 2024 წლის ივნისში^*, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდის ტემპმა 7.5% შეადგინა.
• 2024 წლის ივლისში, წინა წლის ანალოგიურ თვესთან შედარებით, ინფლაციის დონე 1.8%-ით განისაზღვრა, ანუ მიზნობრივი ინფლაციის 3.0%-იან მაჩვენებელზე ნაკლები. წლიური ინფლაციის ფორმირებაზე გავლენა იქონია, ძირითადად, ფასების დინამიკამ ტრანსპორტზე, აგრეთვე სურსათსა და უალკოჰოლო სასმელებზე, ალკოჰოლურ სასმელებსა და თამბაქოზე, სასტუმროებზე, კაფეებსა და რესტორნებზე, განათლებაზე.
• 2024 წლის ივნისში*, წინა წლის ანალოგიურ პერიოდთან შედარებით, ნაერთი ბიუჯეტის შემოსავლები 32.9%-ით, ხოლო ხარჯები 10.1%-ით გაიზარდა.
• 2024 წლის ივნისში* კომერციული ბანკების მიერ ეროვნულ ეკონომიკაზე გაცემულმა სესხებმა, წინა წლის შესაბამის პერიოდთან მიმართებით, 20.7%-ით მოიმატა და 55.5 მლრდ ლარი შეადგინა; მათგან ყველაზე მეტი გაცემულია ვაჭრობის, მშენებლობისა და მრეწველობის დარგებში.
• 2024 წლის იანვარ-ივნისში^*, წინა წლის შესაბამის პერიოდთან მიმართებით, საქონლის ექსპორტმა 6.7%-ით დაიკლო, ხოლო იმპორტმა 0.2%-ით მოიმატა, რის შედეგადაც სავაჭრო ბრუნვა (არადეკლარირებული ვაჭრობის გარეშე) 1.8%-ით შემცირდა და 10,319.4 მლნ აშშ დოლარი შეადგინა.
• 2024 წლის ივნისში*, წინა წლის შესაბამის პერიოდთან მიმართებით, საქართველოში ფულადი გზავნილები 20.9%-ით შემცირდა და 281.1 მლნ აშშ დოლარი შეადგინა. გზავნილების ძირითად წყაროს ევროკავშირის ქვეყნები (გზავნილების მთლიანი ოდენობის 42.5%) და რუსეთი (17.4%) წარმოადგენდნენ.
• 2024 წლის ივლისში მთლიანი საერთაშორისო რეზერვები 4,671 მლნ აშშ დოლარით განისაზღვრა, რაც 14.1%-ით ნაკლებია წინა წლის ანალოგიურ მონაცემთან შედარებით.
• 2024 წლის ივნისში*, წინა თვესთან შედარებით, დოლარიზაციის მაჩვენებელი როგორც დეპოზიტებზე, ასევე სესხებზე შემცირდა. 
• 2024 წლის ივლისში, წინა თვესთან შედარებით, ლარის გაცვლითი კურსი აშშ დოლარის მიმართ 3.4%-ით, ევროს მიმართ 2.6%-ით, ხოლო თურქულ ლირასთან მიმართებით 4.5%-ით გამყარდა.
• 2024 წლის ივნისის თვეში რეგიონის ქვეყნების ვალუტების გაცვლითი კურსები აშშ დოლართან მიმართებაში გაუფასურდა.

დოკუმენტი ინტერაქტიულ ფორმატში იხილეთ ბმულზე: https://infogram.com/--1hxj48m3yvxp52v?live 

დოკუმენტი PDF ფორმატში იხილეთ ბმულზე: