მიმდინარე წლის 6-8 დეკემბერს, პარლამენტის საბიუჯეტო ოფისის მიერ, ღია პარლამენტის სამოქმედო გეგმის ფარგლებში, საერთაშორისო გამჭვირვალობა - საქართველოს ჩართულობითა და პარლამენტის სასწავლო ცენტრის მხარდაჭერით, ჩატარდა ტრენინგი თემაზე „ფინანსური გავლენის შეფასების მომზადების სახელმძღვანელო პრინციპები და მეთოდოლოგიური მითითებები“.

ტრენინგი განკუთვნილი იყო საქართველოს პარლამენტის ფრაქციების თანამშრომლებისათვის, რომლებიც უშუალოდ არიან ჩართულნი კანონპროექტების განმარტებითი ბარათის ფინანსური დასაბუთების მომზადებაში. მონაწილეებს ჰქონდათ საშუალება სიღრმისეულად გაცნობოდნენ კანონპროექტის ფინანსური გავლენის შეფასების მომზადების სახელმძღვანელო დოკუმენტს.

ტრენინგის განმავლობაში, ფრაქციების წარმომადგენლები აქტიურად მუშაობდნენ პრაქტიკულ ქეისებზე ცალკეული კანონპროექტების განმარტებითი ბარათების ფინანსური დასაბუთების კუთხით, ჯგუფურ ფორმატში განიხილავდნენ კონკრეტულ მაგალითებს და წარმოადგენდნენ შესრულებული აქტივობების შედეგებს. აღნიშნულმა აქტივობებმა მონაწილეებს ტრენინგის ფარგლებში მიღებული თეორიული ცოდნის პრაქტიკაში გამოყენების საშუალება მისცა. მათ ასევე ჰქონდათ შესაძლებლობა ონლაინ ფორმატში შეემოწმებინათ მიღებული ცოდნა ტრენერის მიერ შემოთავაზებული სახალისო გამოკითხვის საშუალებით.

ტრენინგს უძღვებოდა პარლამენტის საბიუჯეტო ოფისის ფინანსური შედეგების შეფასებისა და საკანონმდებლო პროცესის ხელშეწყობის განყოფილების უფროსი შორენა კახიძე, თანატრენერებად ჩართულნი იყვნენ ამავე განყოფილების წარმომადგენლები: ჯუნა გერსამია და მარიამ ფიფია.

გალერეა