საქართველოს პარლამენტის საბიუჯეტო ოფისის უფროსი თათია ხეთაგური და საბიუჯეტო ოფისის წარმომადგენლები კორეის რესპუბლიკის ეროვნული ასამბლეის საბიუჯეტო ოფისის წარმომადგენლებს შეხვდნენ.
ვიზიტის ფარგლებში საქართველოს პარლამენტის საბიუჯეტო ოფისს ესტუმრნენ კორეის რესპუბლიკის ეროვნული ასამბლეის საბიუჯეტო ოფისის ხელმძღვანელი ბატონი კიმ ჩუნ სუნი და ბიუჯეტის ანალიზისა და ეკონომიკური ანალიზის კოორდინაციის განყოფილებების წარმომადგენლები. საქართველოს პარლამენტის საბიუჯეტო ოფისის მხრიდან შეხვედრას ასევე ესწრებოდნენ მაკროეკონომიკური ანალიზისა და საგადასახადო პოლიტიკის განყოფილების უფროსი ვახტანგ ჩალაფეიქრიშვილი და საკანონმდებლო პროცესის ხელშეწყობისა და ფინანსური დასაბუთების განყოფილების წარმომადგენლები ნესტან გაფრინდაშვილი და ნათია სუარიშვილი.
შეხვედრაზე განხილულ იქნა პარლამენტის საბიუჯეტო ოფისების საქმიანობასთან დაკავშირებული საკითხები, მათ შორის, ფისკალური და მაკროეკონომიკური პოლიტიკის ანალიზისა და საკანონმდებლო ინიციატივების საბიუჯეტო გავლენის შეფასების მიმართულებით არსებული პრაქტიკა. სტუმრები დაინტერესდნენ საქართველოს პარლამენტის საბიუჯეტო ოფისის გამოცდილებით მაკროეკონომიკური და ფისკალური პროგნოზების მომზადების მიმართულებით. შეხვედრაზე ასევე ყურადღება დაეთმო იმ მექანიზმებს, რომლებიც დაეხმარება ორივე ინსტიტუციას შიდა და გარე დაინტერესებულ მხარეებთან კომუნიკაციის გაღრმავებაში.
თათია ხეთაგურის ინფორმაციით, კორეის რესპუბლიკის ეროვნული ასამბლეის საბიუჯეტო ოფისი დამოუკიდებელი ფისკალური ინსტიტუციებისა და პარლამენტის საბიუჯეტო ოფისების საერთაშორისო სივრცეში ერთ-ერთ წარმატებულ ინსტიტუციად ითვლება, რომელშიც დასაქმებულია 150-მდე ადამიანი. „მიუხედავად მასშტაბებს შორის განსხვავებისა, ჩვენ მსგავსი მანდატი გვაქვს. ინსტიტუციებს შორის გამოცდილების ურთიერთგაზიარება, განსაკუთრებით მსგავს ავტორიტეტულ ორგანიზაციასთან, საქმიანობის ეფექტიანობის ზრდისათვის მნიშვნელოვანი ინსტრუმენტია. აღნიშნულის გათვალისწინებით სტუმრებთან ასევე ვისაუბრეთ სამომავლოდ თანამშრომლობის გაღრმავებაზე, მათ შორის, ეკონომიკური თანამშრომლობისა და განვითარების ორგანიზაციის(OECD) პარლამენტის საბიუჯეტო ოფისებისა და დამოუკიდებელი ფისკალური ინსტიტუციების ჯგუფის ფარგლებში", - განაცხადა საქართველოს პარლამენტის საბიუჯეტო ოფისის უფროსმა.
გალერეა
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7mu6cvsp6vbla2e12c6ec44.JPG%27 "Click to enlarge image p1cf7mu6cvsp6vbla2e12c6ec44.JPG")
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7n1ush16kk96gv4917r0h134.JPG%27 "Click to enlarge image p1cf7n1ush16kk96gv4917r0h134.JPG")
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7n1ush1p4npkq7ll11si1qg25.JPG%27 "Click to enlarge image p1cf7n1ush1p4npkq7ll11si1qg25.JPG")
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7n1usi2431fbe13f5kcg8u47.JPG%27 "Click to enlarge image p1cf7n1usi2431fbe13f5kcg8u47.JPG")
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7n1usibm1qlh146e24l1ejr6.JPG%27 "Click to enlarge image p1cf7n1usibm1qlh146e24l1ejr6.JPG")
 \n\nDo you want to open it from the server?%27))window.location=%27http://pbo.parliament.ge/images/korea-niusi/p1cf7n1usj1f0s1f8m1pip5e61c828.JPG%27 "Click to enlarge image p1cf7n1usj1f0s1f8m1pip5e61c828.JPG")
http://pbo.parliament.ge/ge/aboutus/archive/item/410-2018-06-05-07-42-37#sigProGalleria3a3a7374ea
