პარლამენტის თავმჯდომარე დავით უსუფაშვილი გაერთიანებული სამეფოს საბიუჯეტო პასუხისმგებლობის ოფისის (UK OBR) ექსპერტებს კომუნიკაციების განყოფილების ხელმძღვანელს მარკ დემბოვიცს, საგადასახადო და ფისკალური პროგნოზირების განყოფილების ხელმძღვანელს ჯონ რაილის და ეკონომიკური პროგნოზირების განყოფილების ხელმძღვანელს ტომ პაიბუსს შეხვდა.
ექსპერტთა ჯგუფი ამჟამად პარლამენტის საბიუჯეტო ოფისის საქმიანობის ეფექტიანობის გაუმჯობესებაზე მუშაობს, რისთვისაც მათ პარლამენტის თავმჯდომარემ მადლობა გადაუხადა. დავით უსუფაშვილმა ის ძირითადი ასპექტები მიმოიხილა, რაც საპარლამენტო საქმიანობაში, კერძოდ კი, საბიუჯეტო კონტროლის განხორციელების პროცესში საბიუჯეტო ოფისის მნიშვნელოვან როლს განაპირობებს. მან ყურადღება გაამახვილა ვიზიტად მყოფი ექსპერტების როლზე როგორც პარლამენტის საბიუჯეტო ოფისის ანგარიშების ხარისხის სრულყოფის, ასევე კომუნიკაციის მიმართულებით და აღნიშნული პროექტის ფარგლებში პარლამენტის საბიუჯეტო ოფისისა და გაერთიანებული სამეფოს საბიუჯეტო პასუხისმგებლობის ოფისის ნაყოფიერი და გრძელვადიანი თანამშრომლობის იმედი გამოთქვა.
***
პარლამენტის საბიუჯეტო ოფისისა და გაერთიანებული სამეფოს საბიუჯეტო პასუხისმგებლობის ოფისის (UK OBR) სტრატეგიული თანამშრომლობის პროექტი გაერთიანებული სამეფოს მთავრობის უკეთესი მმართველობის პროგრამის (The Good Governance Fund (GGF)) ფარგლებში ხორციელდება და რეფორმების პროცესში აღმოსავლეთ ევროპის 5 ქვეყნის დახმარებას ისახავს მიზნად. პროექტის განმახორციელებლები საქართველოში არიან ფრაისვოთერჰაუსკუპერს საქართველო (PwC Georgia) და პოლიტიკისა და მართვის კონსალთინგ ჯგუფი (PMCG).
გალერეა
 \n\nDo you want to open it from the server?%27))window.location=%27http://pbo.parliament.ge/images/usufashvili/p1aj1bca11a8ojq2m1vai815v64.png%27 "Click to enlarge image p1aj1bca11a8ojq2m1vai815v64.png")
 \n\nDo you want to open it from the server?%27))window.location=%27http://pbo.parliament.ge/images/usufashvili/p1aj1bca301123dv81j0jie31gqn5.png%27 "Click to enlarge image p1aj1bca301123dv81j0jie31gqn5.png")
 \n\nDo you want to open it from the server?%27))window.location=%27http://pbo.parliament.ge/images/usufashvili/p1aj1bca308f1qkd12539lh1v0j6.png%27 "Click to enlarge image p1aj1bca308f1qkd12539lh1v0j6.png")
http://pbo.parliament.ge/ge/aboutus/archive/item/259-2016-05-18-07-07-51?tmpl=component&print=1#sigProGalleriab4617e44c2