პარლამენტის საბიუჯეტო ოფისის ,,საქართველოს მაკროეკონომიკური გარემოს ყოველთვიური მიმოხილვა" ასახავს ძირითადი მაკროეკონომიკური მაჩვენებლების ტენდენციებს. მიმოხილვა ეყრდნობა საქართველოს სტატისტიკის ეროვნული სამსახურის, საქართველოს ეროვნული ბანკის და საქართველოს ფინანსთა სამინისტროს მონაცემებს.

• აპრილში* , სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდის ტემპმა 7.5% შეადგინა. აღსანიშნავია, რომ პანდემიამდელ, 2019 წელთან შედარებით ეკონომიკის ზრდის მაღალი ტემპები აღინიშნება.

• მაისში სამომხმარებლო ფასების წლიური ინფლაცია მიზნობრივი ინფლაციის 3%-იან მაჩვენებელზე ნაკლები იყო და 1.5% შეადგინა, რაც ძირითადად განპირობებულია სურსათისა და უალკოჰოლო სასმელების ჯგუფზე ფასების ზრდით.
• აპრილში*, წინა წლის ანალოგიურ პერიოდთან შედარებით, ნაერთი ბიუჯეტის შემოსავლები 71.4%-ით, ხოლო ხარჯები 10.8%-ით გაიზარდა.
• აპრილში* კომერციული ბანკების მიერ გაცემულმა სესხებმა 43.6 მლრდ ლარი შეადგინა, მათგან ყველაზე მეტი გაცემულია ვაჭრობის, მრეწველობისა და მშენებლობის დარგებში.
• იანვარ-აპრილში* ექსპორტმა 23.6%-ით, ხოლო იმპორტმა 21.2%-ით მოიმატა და სავაჭრო ბრუნვამ 6,493 მლნ აშშ დოლარი შეადგინა.
• აპრილში* ფულადმა გზავნილებმა 369.7 მლნ აშშ დოლარი შეადგინა. გზავნილების ძირითად წყაროს რუსეთი (გზავნილების მთლიანი ოდენობის 43.2%) და ევროკავშირის ქვეყნები (28.0%) წარმოადგენდნენ.
• მაისში მთლიანი საერთაშორისო რეზერვები 5,005 მლნ აშშ დოლარით განისაზღვრა, რაც 29.8%-ით მეტია წინა წლის ანალოგიურ მონაცემთან შედარებით.
• აპრილში* , წინა თვესთან მიმართებით, შემცირდა როგორც დეპოზიტებზე, ასევე სესხებზე დოლარიზაციის მაჩვენებელი.
• მაისში, წინა თვესთან შედარებით, ლარის გაცვლითი კურსი აშშ დოლართან მიმართებით 0.4%-ით გაუფასურდა, ხოლო ევროს მიმართ 0.3%-ით გამყარდა.

დეტალურად სხვა ეკონომიკური პარამეტრების დინამიკის შესახებ იხილეთ სრული დოკუმენტი.