რეგულირების გავლენის შეფასება

რეგულირების გავლენის შეფასება (RIA) წარმოადგენს წარმოდგენილი რეგულაციის ან არამარეგულირებელი ქმედების მოსალოდნელი დადებითი და უარყოფითი გავლენის შეფასების სისტემურ ჩარჩოს და საერთაშორისო პრაქტიკით, განიხილება, როგორც პოლიტიკის შემუშავების მტკიცებულებაზე დაფუძნებული მიდგომის ერთ-ერთი მნიშვნელოვანი ელემენტი. 

არსებული რეგულაციით, პარლამენტის საბიუჯეტო ოფისს ამ მიმართულებით ნორმატიულ დონეზე ვალდებულებები განსაზღვრული არ აქვს. თუმცა საკანონმდებლო ინიციატივების ფინანსური დასაბუთების შემოწმების არსებული როლიდან გამომდინარე, 2015 წლიდან აშშ განვითარების სააგენტოს (USAID) დემოკრატიული მმართველობის ინიციატივის (GGI) და ევროკავშირის ტექნიკური დახმარების პროექტის (EU) „საკანონმდებლო ზემოქმედების შეფასება, კანონშემოქმედებითი პროცესი და წარმომადგენლობითი უნარების გაძლიერება“ მხარდაჭერით პარლამენტის საბიუჯეტო ოფისის მიერ ეტაპობრივად ხორციელდება ამ მიმართულებით უნარების გაძლიერება. ზემოაღნიშნული პროცესის შედეგად, 2017 წლიდან პარლამენტის კომიტეტების მიერ ინიცირებულ სამუშაო ჯგუფებში საქართველოს პარლამენტის საბიუჯეტო ოფისის ჩართულობით განხორციელდა/მიმდინარეობს რეგულირების გავლენის/გენდერული გავლენის შეფასების შემდეგი პროექტები (ძირითად შემთხვევებში, პარლამენტის საბიუჯეტო ოფისის ჩართულობა გულისხმობს ხარჯ-სარგებლიანობის ანალიზის მომზადებას):

• საქართველოს  ნარკოპოლიტიკის რეფორმის რეგულირების გავლენის შეფასება - საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) მხარდაჭერით.
• საქართველოს ნარკოპოლიტიკის რეფორმის გენდერული გავლენის შეფასება -  საქართველოს პარლამენტის გენდერული თანასწორობის საბჭოს მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI), გაეროს განვითარების პროგრამის (UNDP) და ეროვნულ-დემოკრატიული ინსტიტუტის (NDI) მხარდაჭერით.
• საქართველოში დასაქმების მექანიზმის შესახებ რეგულირების ზეგავლენის შეფასება - საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მიერ შექმნილი სამუშაო ჯგუფის ფარგლებში, GIZ-ის სამართლის პროგრამის მხარდაჭერით.
• შრომის კანონმდებლობის რეფორმის გენდერული გავლენის შეფასება -  საქართველოს პარლამენტის გენდერული თანასწორობის საბჭოს მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI), გაეროს განვითარების პროგრამის (UNDP) და ეროვნულ-დემოკრატიული ინსტიტუტის (NDI) მხარდაჭერით.
• ვაჭრობაში ანტიდემპინგური ღონისძიებების რეგულირების გავლენის შეფასება - საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) მხარდაჭერით.
• “სოციალური ჭრის” რეფორმის რეგულირების გავლენის შეფასება - საქართველოს პარლამენტის გარემოს დაცვისა და ბუნებრივი რესურსების კომიტეტის მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) მხარდაჭერით.
• "სავალდებულო იმუნიზაციის შესახებ" რეფორმის რეგულირების გავლენის შეფასება - საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შექმნილი სამუშაო ჯგუფის ფარგლებში, გერმანიის საერთაშორისო თანამშრომლობის საზოგადოების (GIZ), აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) და მმართველობა განვითარებისთვის (G4G), EU პროექტის „საკანონმდებლო ზემოქმედების შეფასება, კანონშემოქმედებითი პროცესი და წარმომადგენლობითი უნარების გაძლიერება“  მხარდაჭერით.
• „ფიზიკური აღზრდისა და სპორტის შესახებ“ საქართველოს კანონის პროექტის რეგულირების გავლენის შეფასება - საქართველოს პარლამენტის სპორტისა და ახალგაზრდულ საქმეთა კომიტეტის მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) მხარდაჭერით.
• „ფიზიკური აღზრდისა და სპორტის შესახებ“ საქართველოს კანონის პროექტის გენდერული გავლენის შეფასება - საქართველოს პარლამენტის სპორტისა და ახალგაზრდულ საქმეთა კომიტეტის მიერ შექმნილი სამუშაო ჯგუფის ფარგლებში, აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივისა (GGI) და ეროვნულ-დემოკრატიული ინსტიტუტის (NDI) მხარდაჭერით.

რეგულირების გავლენის შეფასების დანერგვის მიმართულებით რეფორმის ხელშეწყობის მიზნით, პარლამენტის საბიუჯეტო ოფისის მიერ შემუშავებულ იქნა რეგულირების გავლენის შეფასების სარეკომენდაციო ხასიათის სახელმძღვანელო დოკუმენტი. 

რეგულირების გავლენის შეფასება - ნაწილი 1: არსი და საერთაშორისო გამოცდილება

რეგულირების გავლენის შეფასება - ნაწილი 2: ტექნიკური სახელმძღვანელო

აღნიშნული სახელმძღვანელო წარმოადგენს მხოლოდ დამხმარე დოკუმენტს რეგულირების გავლენის შეფასების მიმართულებით დაინტერესებულ მხარეთათვის და განმახორციელებელ პირთათვის და არ შეიძლება იქნას განხილული, როგორც ამ მიმართულებით სამართლებრივი ბაზის შემადგენელი კომპონენტი.