პარლამენტის საბიუჯეტო ოფისის ,,საქართველოს მაკროეკონომიკური გარემოს ყოველთვიური მიმოხილვა" ასახავს ძირითადი მაკროეკონომიკური მაჩვენებლების ტენდენციებს. მიმოხილვა ეყრდნობა საქართველოს სტატისტიკის ეროვნული სამსახურის, საქართველოს ეროვნული ბანკის და საქართველოს ფინანსთა სამინისტროს მონაცემებს.

• ივნისში*, სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდის ტემპმა 7.7% შეადგინა. აღსანიშნავია, რომ პანდემიამდელ, 2019 წელთან შედარებით ეკონომიკის ზრდის მაღალი ტემპები აღინიშნება.
• ივლისში სამომხმარებლო ფასების წლიური ინფლაცია მიზნობრივი ინფლაციის 3%-იან მაჩვენებელზე ნაკლები იყო და 0.3% შეადგინა, რაც ძირითადად განპირობებულია საცხოვრებლის და ალკოჰოლური სასმელების, თამბაქოს ჯგუფზე ფასების ზრდით.
• ივნისში*, წინა წლის ანალოგიურ პერიოდთან შედარებით, ნაერთი ბიუჯეტის შემოსავლები 10.0%-ით, ხოლო ხარჯები 12.8%-ით გაიზარდა.
• ივნისში* კომერციული ბანკების მიერ გაცემულმა სესხებმა 46.0 მლრდლარი შეადგინა, მათგან ყველაზე მეტი გაცემულია ვაჭრობის, მშენებლობისა და მრეწველობის დარგებში.
• იანვარ-ივნისში* ექსპორტმა 19.3%-ით, ხოლო იმპორტმა 20.4%-ით მოიმატა და სავაჭრო ბრუნვამ 10,269 მლნ აშშ დოლარი შეადგინა.
• ივნისში* ფულადმა გზავნილებმა 353.2 მლნ აშშ დოლარი შეადგინა. გზავნილების ძირითად წყაროს რუსეთი (გზავნილების მთლიანი ოდენობის 36.6%) და ევროკავშირის ქვეყნები (31.1%) წარმოადგენდნენ.
• ივლისში მთლიანი საერთაშორისო რეზერვებმა ისტორიულ მაქსიმუმს მიაღწია და 5,436 მლნ აშშ დოლარით განისაზღვრა, რაც 30.8%-ით მეტია წინა წლის ანალოგიურ მონაცემთან შედარებით.
• ივნისში*, წინა თვესთან მიმართებით, მცირედით გაიზარდა დეპოზიტებსა და სესხებზე დოლარიზაციის მაჩვენებელი.
• ივლისში, წინა თვესთან შედარებით, ლარის გაცვლითი კურსი აშშ დოლართან მიმართებით 0.8%-ით გამყარდა, ხოლო ევროს მიმართ 1.1%-ით გაუფასურდა.

დეტალურად სხვა ეკონომიკური პარამეტრების დინამიკის შესახებ იხილეთ სრული დოკუმენტი.