პარლამენტის საბიუჯეტო ოფისის ,,საქართველოს მაკროეკონომიკური გარემოს ყოველთვიური მიმოხილვა" ასახავს ძირითადი მაკროეკონომიკური მაჩვენებლების ტენდენციებს. მიმოხილვა ეყრდნობა საქართველოს სტატისტიკის ეროვნული სამსახურის, საქართველოს ეროვნული ბანკის და საქართველოს ფინანსთა სამინისტროს მონაცემებს.

• 2022 წლის დეკემბერში^*, სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდის ტემპმა 11.0% შეადგინა. აღსანიშნავია, რომ პანდემიამდელ, 2019 წელთან შედარებით ეკონომიკის ზრდის მაღალი ტემპები აღინიშნება.
• 2023 წლის იანვარში სამომხმარებლო ფასების წლიური ინფლაცია 9.4%-ს გაუტოლდა, რაც ძირითადად განპირობებულია სურსათისა და უალკოჰოლო სასმელების ჯგუფზე ფასების მნიშვნელოვანი ზრდით.
• დეკემბერში^*, წინა წლის ანალოგიურ პერიოდთან შედარებით, ნაერთი ბიუჯეტის შემოსავლები 26.0%-ით, ხოლო ხარჯები 8.0%-ით გაიზარდა.
• დეკემბერში^* კომერციული ბანკების მიერ გაცემულმა სესხებმა 44.2 მლრდ ლარი შეადგინა, მათგან ყველაზე მეტი გაცემულია ვაჭრობის, მრეწველობისა და მშენებლობის დარგებში.
• იანვარ-დეკემბერში^* ექსპორტმა 31.8%-ით, ხოლო იმპორტმა 33.2%-ით მოიმატა და სავაჭრო ბრუნვამ 19,043 მლნ აშშ დოლარი შეადგინა.
• დეკემბერში^* ფულადმა გზავნილებმა 535.3 მლნ აშშ დოლარი შეადგინა. გზავნილების ძირითად წყაროს რუსეთი (გზავნილების მთლიანი ოდენობის 59.3%) და ევროკავშირის ქვეყნები (19.6%) წარმოადგენდნენ.
• იანვარში მთლიანი საერთაშორისო რეზერვები 4,899 მლნ აშშ დოლარით განისაზღვრა.
• დეკემბერში^*, წინა თვესთან შედარებით, შემცირდა დეპოზიტებზე დოლარიზაციის მაჩვენებელი, სესხებზე კი მცირედით გაიზარდა.
• იანვარში, წინა თვესთან შედარებით, ლარის გაცვლითი კურსი აშშ დოლართან მიმართებით 0.4%-ით გამყარდა, ხოლო ევროს მიმართ 1.3%-ით გაუფასურდა.

დეტალურად სხვა ეკონომიკური პარამეტრების დინამიკის შესახებ იხილეთ სრული დოკუმენტი