პარლამენტის საბიუჯეტო ოფისის ,,საქართველოს მაკროეკონომიკური გარემოს ყოველთვიური მიმოხილვა" ასახავს ძირითადი მაკროეკონომიკური მაჩვენებლების ტენდენციებს. მიმოხილვა ეყრდნობა საქართველოს სტატისტიკის ეროვნული სამსახურის, საქართველოს ეროვნული ბანკის და საქართველოს ფინანსთა სამინისტროს მონაცემებს.
- ნოემბერში, სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდის ტემპმა 5.9% შეადგინა. აღსანიშნავია, რომ პანდემიამდელ, 2019 წელთან შედარებით ეკონომიკის ზრდის მაღალი ტემპები ფიქსირდება.
- დეკემბერში სამომხმარებლო ფასების წლიური ინფლაცია მიზნობრივი ინფლაციის 3%-იან მაჩვენებელზე ნაკლები იყო და 0.4% შეადგინა, რაც ძირითადად განპირობებულია ტრანსპორტის, ალკოჰოლური სასმელებისა და თამბაქოს, საცხოვრებლის, სასტუმროების, კაფეეებისა და რესტორნების, განათლების ჯგუფებზე ფასების ზრდით.
- ნოემბერში*, წინა წლის ანალოგიურ პერიოდთან შედარებით, ნაერთი ბიუჯეტის შემოსავლები 3.6%-ით შემცირდა, ხოლო ხარჯები 1.2%-ით გაიზარდა.
- ნოემბერში* კომერციული ბანკების მიერ გაცემულმა სესხებმა 49.4 მლრდ ლარი შეადგინა; მათგან ყველაზე მეტი გაცემულია ვაჭრობის, მშენებლობისა და მრეწველობის დარგებში.
- იანვარ-ნოემბერში* საქონლის ექსპორტმა 11.1%-ით, ხოლო იმპორტმა 16.1%-ით მოიმატა. ამავე პერიოდში სავაჭრო ბრუნვამ 19,613 მლნ აშშ დოლარი შეადგინა.
- ნოემბერში* ფულადმა გზავნილებმა 292.7 მლნ აშშ დოლარი შეადგინა. გზავნილების ძირითად წყაროს ევროკავშირის ქვეყნები (გზავნილების მთლიანი ოდენობის 37.1%) და რუსეთი (25.7%) წარმოადგენდნენ.
- დეკემბერში მთლიანი საერთაშორისო რეზერვები 5,003 მლნ აშშ დოლარით განისაზღვრა, რაც 2.1%-ით მეტია წინა წლის ანალოგიურ მონაცემთან შედარებით.
- ნოემბერში* , წინა თვესთან მიმართებით, დეპოზიტებსა და სესხებზე დოლარიზაციის მაჩვენებელი მცირედით გაიზარდა.
- დეკემბერში, წინა თვესთან შედარებით, ლარის გაცვლითი კურსი აშშ დოლართან მიმართებით 0.7%-ით გამყარდა, ხოლო ევროს მიმართ 0.5%-ით გაუფასურდა.
- დეკემბერში რეგიონის ქვეყნების ვალუტებიდან აშშ დოლარის მიმართ მხოლოდ ქართული ლარი გამყარდა, ხოლო დანარჩენი გაუფასურდა.
დეტალურად იხილეთ სრული დოკუმენტი.
