Print this page

საქართველოს 2017 წლის სახელმწიფო ბიუჯეტის შესრულების მიმდინარეობის ყოველთვიური მიმოხილვა - 2017 წლის იანვარ-თებერვალი

2017 წლის ბიუჯეტის კანონით შემოსულობების წლიური გეგმა განისაზღვრა 11,457 მლნ ლარის დონეზე, ხოლო გადასახდელების 11,415 მლნ ლარის დონეზე. რაც შეეხება შესრულებას, 2017 წლის 2 თვის მდგომარეობით, სახელმწიფო ბიუჯეტის შემოსულობები წლიური გეგმის 13%-ს შეადგენს და გასული წლის მაჩვენებელს 25%-ით (292 მლნ ლარით) აღემატება, ხოლო გადასახდელების მაჩვენებელი წლიური გეგმის 13%-ს შეადგენს და გასული წლის მაჩვენებელს 7%-ით (94 მლნ ლარით) აღემატება.

შემოსულობების კომპონენტების დონეზე, შედარებით დაბალი შესრულების მაჩვენებელი ფინანსური აქტივების კლების და ვალდებულებების ზრდის მუხლით შემოსულობებისთვის ვლინდება (წლიური გეგმის 5%).გადასახდელების კომპონენტების დონეზე, შედარებით დაბალი შესრულების მაჩვენებელი არაფინანსური აქტივების  ზრდის და ფინანსური აქტივების ზრდის მუხლით გადასახდელებისათვის ვლინდება (წლიური გეგმის 4% და 7%, შესაბამისად).